play_arrow

keyboard_arrow_right

skip_previous play_arrow skip_next
00:00 00:00
playlist_play chevron_left
volume_up
chevron_left
  • Home
  • keyboard_arrow_right Siyasa
  • keyboard_arrow_right Labarai
  • keyboard_arrow_right Mohamed Bazoum: Yau zababben shugaban Jamhuriyar Nijar zai sha rantsuwar kama aiki

Siyasa

Mohamed Bazoum: Yau zababben shugaban Jamhuriyar Nijar zai sha rantsuwar kama aiki

Bello Sani April 2, 2021 10


Background
share close

A yau Juma’a ne ake sa ran rantsar da zababben shugaban Jamhuriyar Nijar, Mohamed Bazoum kan karagar mulki bayan ya lashe zaben da Kotun Tsarin Mulkin kasar ta tabbatar da nasararsa.

Mohamed Bazoum zai karbi rantsuwar kama aikin ce karkashin jagorancin mai shari’a Bouba Mahaman shugaban Kotun Kolin kasar.

Shugabannin kasashe da na gwamnati sama da 60 ne ake sa ran za su halarci bikin kuma tuni wasun su suka isa Yamai, babban birnin kasar. Sai dai za a yi bikin cike da tsauraran matakan tsaro.

Yan kasar na cewa abin alfahari a tarihin dimokradiyyar kasar da shugaban kasa farar hula zai mika mulki ga wani zababben shugaban farar hula.

Daoui Ahmad Baringai, shugaban matasan tarayya ya fada wa BBC cewa abin farin ciki ne zai wakana a wannan rana.

“Abu ne wanda yake da tasiri sosai, shi ne karo na farko tun da aka fara dimokradiyya aka samu wani shugaba zababbe zai ba da akalar jagoancin kasa ga wani shugaban kasa zababbe,” in ji Baringai.

A cewarsa, Bazoum mutum ne mai adalci da rikon amana da kuma kishin kasa inda ya bayyana yakinin cewa shugaban zai rike amanar da al’ummar Nijar suka danka masa ta tafiyar da kasar cikin adalci da kyautatawa da kuma neman abin da zai sa kasar ta samu ci gaba.

A watan da ya gabata ne Kotun Tsarin Mulkin kasar ta Jamhuriyar Nijar ta tabbatar da Mohamed Bazoum a matsayin wanda ya yi nasara a zaben shugaban kasar Nijar da aka yi zagaye na biyu.

Mohamed Bazoum na jam’iyya mai mulki ta PNDS Tarayya ya ci zaben da kashi 55.66 cikin 100 na kuri’un da aka jefa abin da ke nufin ya zarce tsohon shugaban kasar kuma dan takarar jam’iyyar Tchanji Mahamane Ousmane, wanda ya samu kashi 44.34.

Rate it
Previous episode
Post comments (0)

Leave a reply

Your email address will not be published. Required fields are marked *