A Najeriya an samu rabuwar kai tsakanin ‘yan majalisar dokokin kasar game da batun sake komawa makarantu a yau Litinin a ƙasar.
A ranar Alhamis ne ma’aikatar ilmi ta tarayya ta sanar da cewa, gwamnatin ƙasar ta amince a koma makarantu ranar 18 ga watan Janairu, kamar yadda aka tsara tun da farko.
Sai dai jiya, rahotanni sun ambato kwamitin majalisar wakilai kan ilmi a matakin farko na nuna adawa da sake buɗe azuzuwa a lokacin da aka ambata.
To sai dai shugaban kwamitin ilmi mai zurfi na majalisar wakilan Aminu Sulaiman Goro, ya ce wannan ba matsayin majalisarsu ba ne.
“Kamar yadda ka sani a yanzu majalisa tana dogon hutu kuma sai nan da mako guda za mu koma. Saboda haka ba majalisa ce ta dauki wannan mataki ba.”
Sai dai ya ce tabbas ra’ayoyin ‘yan majalisar kamar na sauran ‘yan kasa ya rabu “inda wasu ke ganin bai kamata a koma makarantun ba a bisa la’akari da yadda annobar korona ke karuwa a duniya to amma akwai da yawa daga cikinmu da ke ganin komawar ta yi dai-dai bisa ala’akari da yadda dalibai suka yi asarar kusan shekara guda.”
Kwamared Aminu Goro ya ce ma’aikatar ilimi ta kasa ta sanar da majalisar batun sake bude makarantun ” kuma suna da ikon yin hakan.”
“Sai dai nan gaba idan muka ga akwai wata illa dangane da komawar ko kuma jama’a suka gano illar, to a lokacin ne mu ‘yan majalisa za mu dauki mataki.”
Komen da annobar korona dai ta yi ne ya sa gwamnatin Najeriya ta bi sawun wasu kasashen duniya wajen sake rufe makarantu domin gudun yaduwar cutar.
A watan Satumbar 2020 ne dai makarantu a Najeriya suka sake budewa bayan kwashe kusan watanni shida suka rufe sakamakon annobar korona.
Batun kuɗin intanet na Bitcoin ya sake dawowa a tsakanin jama’a. Masu kutse na neman ha’intar jama’a a shafukan Tuwita da sauran shafukan sada zumunta, inda suke neman mutane su […]
Post comments (0)