play_arrow

keyboard_arrow_right

skip_previous play_arrow skip_next
00:00 00:00
playlist_play chevron_left
volume_up
chevron_left
  • Home
  • keyboard_arrow_right Labarai
  • keyboard_arrow_right Tsaro
  • keyboard_arrow_right Yan bindiga da suka yi garkuwa da malamai a Birnin Gwari sun nemi N15m

Labarai

Yan bindiga da suka yi garkuwa da malamai a Birnin Gwari sun nemi N15m

Bello Sani March 25, 2021


Background
share close

Wadanda suka yi garkuwa da wasu malaman makarantar firamare ta UBE a Rama da ke karamar Hukumar Birnin Gwari a Jihar Kaduna, sun nemi a ba su Naira miliyan 15 kudin fansa kafin su saki malaman.

‘Yan bindigan a ranar Litinin, 15 ga watan Maris, 2021, suka afkawa makarantar ta UBE suka yi awon gaba da malamai uku da yara maza uku daga wani ajin firamare, jim kadan bayan taron safe na makarantar.

Malaman makarantar daga baya sun bayyana cewa daga baya yaran uku sun tsere daga hannun ‘yan bindigan.

Duk da haka, an tattaro daga majiyar dangin malaman da aka sace cewa ‘yan bindigan sun tuntube su kuma suna neman a ba su Naira miliyan 15.

Gwamnatin jihar Kaduna ta bayyana sunayen malaman da aka sace da suka hada da; Umar Hassan, Rabiu Salisu da Bala Adamu.

Da yake magana da jaridar Daily Trust, Abubakar Hussaini, wanda dan uwansa, Rabiu Salisu na daya daga cikin malaman da aka yi awwon gaba dasu, ya ce ‘yan bindigar sun nace kan biyan Naira miliyan biyar ga kowannensu kafin a sako su.

Wani mutum Mista Salami Olalekan, memba na ma’aikatan Hukumar Raya Babban Birnin Tarayya (FCTA), an ce yana cikin wadanda aka sacen.

William Salami, dan uwan Olalekan, ya ce masu garkuwan sun nemi Naira miliyan 200, Naira miliyan 50 ga kowane wanda aka yi garkuwar da shi.

Rate it
Post comments (0)

Leave a reply

Your email address will not be published. Required fields are marked *

%d bloggers like this: