play_arrow

keyboard_arrow_right

skip_previous play_arrow skip_next
00:00 00:00
playlist_play chevron_left
volume_up
chevron_left
  • Home
  • keyboard_arrow_right Labarai
  • keyboard_arrow_right Sadarwa
  • keyboard_arrow_right Ba mu Amince da ƙarin wata ɗaya kacal ba – Wata Ƙungiya ta maida ma Pantami Martani

Labarai

Ba mu Amince da ƙarin wata ɗaya kacal ba – Wata Ƙungiya ta maida ma Pantami Martani

Bello Sani April 4, 2021


Background
share close

Da alama har yaanzin ministan Sadarwa Isa Pantami na kan bakarsa na rufe layukan waya waɗanda ba’a haɗa su da NIN ba

Wata ƙungiyar masu amfani da kamfanonin sadarwa tace bata amince da ƙarin wa’adin da gwamnatin tarayya ta yi ba kan haɗa layukan waya da lambar katin zama ɗan ƙasa (NIN).

Ƙungiyar tace yakamata gwamnati ta bi umarnin da kotu ta bayar na ƙara lokacin har tsawon wata biyu.

Rahoton jaridar Punch ya bayyana cewa, ƙungiyar ta ce ƙarin wata ɗaya ya yi kaɗan kuma tana kira ga gwamnatin tarayya ta yi biyayya ga hukuncin da kotu ta yi ran 23 ga watan Maris.

A kwanakin baya dai wata babbar kotu dake zamanta a Lagos ta bada umarnin ƙara wa’adin rijistar NIN da tsawon wata biyu.

Mai shari’a M.A. Onyetenu ya bada umarnin ya yin da yake yanke hukunci kan ƙarar da lauyan dake fafutukar kare hakkin ɗan adam, Monday Ubani, ya shigar.

Lauyan ya shigar da ƙarar ne yana neman kotun da ta dakatar da ma’aikatar sadarwar kasar nan daga shirin ta na rufe layukan waya waɗanda ba’a haɗa su da NIN ba.

Sai dai shugaban ƙungiyar masu amfani da kamfanonin sadarwa na ƙasar nan ya kira yi ma’aikatar sadarwar ƙasar nan da ta yi biyayya ga hukuncin kotu.

A cewar shugaban: “Bamu yarda da karin wata ɗaya ba, ya kamata ma’aikatar ta yi biyayya ga abinda kotu tace, ta ƙara wata biyu.”

Darakatan yaɗa labarai na hukumar kula da sadarwar ƙasar nan (NCC), Dr Ikechukwu Adinde, ya bayyana matsayar gwamnati na ƙara wa’adin wata ɗaya.

Ya ce an amince da ƙarin ne a wani taro da aka gudanar ran Alhamis tare da masu ruwa da tsaki a fannin sadarwa wanda ministan sadarwa Isa Pantami ya jagoranta.

Ya kuma ƙara da cewa shugaban Ƙasa Muhammadu Buhari ya amince da wannan ƙarin na wata ɗaya.

Rate it
Previous post
close
  • 5

Labarai

WHO ta gargaɗi Musulmin Duniya kan ƙaratowar Watan Azumin Ramadhan

Bello Sani April 4, 2021

Kwanaki kaɗan kafin zuwan watan Ramadan da kuma na ista, ƙungiyar lafiya ta duniya (WHO) ta gargaɗi musulman duniya kan dokokin kare yaɗuwar korona. WHO ta ce ya kamata ƙasashen […]

Read more trending_flat

Post comments (0)

Leave a reply

Your email address will not be published. Required fields are marked *

%d bloggers like this: